Сабақтың тақырыбы: Тригонометриялық өрнектерді ықшамдауда негізгі тригонометриялық теңбе- теңдіктерді қолдану. Сабақтың мақсаты: Білімділік: Тригонометриялық функциялардың қасиеттері мен формулаларын қарапайым тригонометриялық өрнектерді дәлелдей білу бейімділіктрін қалыптастыру. Дамытушылығы: Ойлау жүйелігін және сұрақтарға нақты жауап беруге тез шешім қабылдауға үйрету. Тәрбиелігі: Тригонометриялық өрнектерді түрлендіріп, тиімді тәсілдерін көрсету арқылы талғамдарын арттыру, іздену, бақылау арқылы оқушылардың дүниетанымдық қабілеттерін қалыптастыру. Көрнекілігі: Интерактивті тақта, кеспе қағаздар, маркер, бағалау парағы, слайд, флипчарттар, стикерлер. Сабақтың әдісі: сұрақ- жауап, жеке, топтық жұмыс.СТО, АКТ пайдалану. Сабақтың барысы: І. Ұйымдастыру бөлімі. Сәлемдесу, түгендеу, тренинг, топқа бөлу. Үй жұмысын тексеру. Жауабын тақтада көрсету. ІІ. «Миға шабуыл» . сұрақтарға жауап беру. ІІІ. Қызығушылығын ояту. А) Постер толтыру. IV.Оқулықпен жұмыс. V. Ой- толғаныс. Формуланы жалғастыр. VI. Үйге тапсырма. VII. Бағалау, қорытындылау. VIII. Рефлексия. І. Ұйымдастыру бөлімі. Сәлеметсіздер ме, балалар! Мен сендерді жақсы күйде көргеніме қуаныштымын. Бүгінгі сабағымызға әр мектептен ұстаздар келіп отыр. Сондықтан өзіміздің «тригонометрия» әлемінен алған білімімізді көрсетейік. а) Барлығымыз «Шаттық шеңберіне» жиналайық. Әр оқушы өзінің жанындағы оқушыға тілек айтады. (сен әдімісің, сен ақылдысың, сен көріктісің, сен білімдісің). б) Сынып оқушыларын топқа бөлеміз. Тақтадағы геометриялық фигураның ішіне жабыстырылған стикердің түсін таңдаймыз, яғни сары- α , жасыл -β, қызыл- γ. «Альфа», «Бета», «Гамма» тобы болып бөлінеді. Топ басшылары сайланады. Альфа- Алмаз, Бета-Сұлтан, Гамма- Жадыра. Әр топқа критериалды бағалау парағы беріледі. ІІ. «Миға шабуыл» . Бақылау сұрақтары беріледі: 1. Тригонометрия қай елдің сөзі, қандай мағына береді? 2. Тангенс және котангенс функцияларының ширектегі таңбаларын ата. 3. Келтіру формуласын тұжырымда. 4. α- бұрышының синусы деп нені айтады? 5. Синус және косинус функцияларының таңбаларын ата. 6. Тригонометриялық функциялардың қайсысы жұп, қай функция тақ болады? 7. Пифагор теоремасын тұжырымда. 8. α- бұрышының косинусы деп нені айтады? 9. α- бұрышының тангенсі неге тең? ІІІ. Қызығушылығын ояту. Үш топқа флипчарт таратылады. Постер толтыру. Әр топ берілген есепті әр түрлі тәсілдермен ықшамдайды. І топ. «Альфа» 2cos2 α-1+sin2 α II топ. «Вета» 1-sin2 α-cos2 α III топ. «Гамма» cosα tgα+sinα IV. Оқулықпен жұмыс. Үш топқа деңгейлік есептер беру. V. Формуланы жалғастыр.(Интерактивті тақтада орындау) 1. sin2 α+cos2 α 2. tg α 3. ctg α 4. 1+ tg2 α 5. 1+ ctg2 α 6. sin (α+β) 7. sin (α-β) 8. cosαcosβ+ sin αsinβ 9. cosαcosβ- sin αsinβ 10. tgαctg α VI.Үйге тапсырма беріледі. Тақтаға орындау әдісін түсіндіру. Формулалар жаттау. VII. Бағалау. Мұғалімнің және топ басшыларының бағалауы. VIIІ. Рефлексия. Әр оқушы осы сабақтан алған әсерлерін стикерге жазып, тақтаға жапсырады.
