Сабақтың тақырыбы: Олимпиада чемпиондары. Сабақтың мақсаты: оқушылардың ауызекі сөйлеу тілін дамыту. Білімділік. Олимпиада чемпиондары туралы білімдерін кеңейте отырып, белгісіздік, жалпылау есімдіктерін пысықтау. Дамытушылық. Әр түрлі тапсырмалар арқылы ізденімпаздық қабілеттерін, ой - өрісін дамыту түрлі тапсырмалар орындау барысында танымдық, іскерлік, есте сақтау қабілеттерін арттыру. Тәрбиелік. оқушыларды ұйымшылдыққа, ауызбіршілікке, бірін - бірі сыйлай білуге тәрбиелеу. Сабақтың типі: білім, білік дағдыларын қалыптастыру сабағы. Сабақтың барысы: І. Қызығушылықты ояту 1. Ұйымдастыру бөлімі: - Оқушылардың назарын сабаққа аудару. - Оқу құралдарын дайындату. - Кезекшінің жұмысын қадағалау. 2. Психологиялық дайындық Шырылдады қоңырау, Біз сабақты бастаймыз. Партамызға отырып, Өзара көз тастаймыз. Жаңа білім алуға, Алға қадам жасаймыз. 3. Үй тапсырмасын тексеру. Болымсыз етістік қалай жасалады? Мысал келтіріңдер. Жаңа сабақ. еркін күрес – вольная борьба жеңімпаз - победитель екі дүркін – дважды атағын алғандар – получившие звание Оқимыз. Тыңдаймыз.Сөйлейміз 1 – тапсырма. Суретпен жұмыс. Суреттерге қарап, олимпиада чемпиондарын табу керек.
Жақсылық Үшкемпіров – еркін күрестен Қазақстан чемпионы, грек-рим күресінен екі дүркін чемпионы, әлем чемпионаты мен кубогының жеңімпазы. Ол 1980 жылғы Мәскеу Олимпиадасында Қазақстаннан шыққан тұңғыш олимпиада чемпионы. Бақыт Сәрсекбаев – бокстан 2008 жылғы Пекин олимпиадасының чемпионы. Бекзат Саттарханов - бокстан Сидней олимпиадасының чемпионы. Ермахан Ибрайымов – бокстан Cеул олимпиадасының чемпионы. Илья Ильин – ауыр атлетикадан Пекин олимпиадасының чемпионы атағын алғандар. Берілген кестені толтырыңдар, сол сөздермен сөйлемдер құраңдар.
Кімдер? Қай спорт түрінен? Қайда? Бекзат Саттарханов Бақыт Сәрсекбаев Илья Ильин
Олимпиада чемпиондары туралы бейнетаспаны көру. 3-тапсырма. Жағдаяттық тапсырма. Сен олимпиада чемпионың кездестірдің. Сен оған қандай сұрақтар қоясың? Сұрақтарды жаз. 4-тапсырма. Бос орындарды толтырыңдар.
Марат __________ күн спорт үйірмесіне бармады. Олар __________ мұз айдынына ерте келеді. Қазақстанның __________ азаматы олимпида чемпиондарын мақтан етеді. Балалардың __________ футбол ойнағанды ұнатады.
5-тапсырма. Сөздерді жұптастырыңдар. Біздің кейбіреулерің Сендердің әрқайсымыз Сіздердің әрбірі Олардың бірнешеуі Балалардың біреулеріңіз
7-тапсырма. Өлеңді мәнерлеп, түсініп оқып, жаттап алыңдар. Бейжің – 2008 Өтті жарыс Бейжің қаласында, Екі жүз төрт мемлекет онда барған. Спортшылары қазақтың расында, Қола, күміс, алтын медаль алған.
Қазағымның жарқырасын күні жарқын, Көтеруге еліміздің рухын, даңқын. Спортшылары елімнің барын салды, Жеңісімен қуантуға қазақ халқын. (Серік Оразғалиев)
8-тапсырма. Кестені толтырыңдар. Нені білемін? Не білдім? Нені білгім келеді?
Үйге тапсырма: Олимпиада чемпиондары туралы қосымша мәлімет әкелу. Өлеңді жаттау. Оқушыларды бағалау.
