Шығыс Қазақстан облысы, Семей қаласы «№3 жалпы орта білім беретін мектеп-кешені» КММ Бастауыш сынып мұғалімі Кутешова Жадыра Серикалиевна
Сауат ашу Тақырыбы: К к дыбысы мен әрпі Мақсаты:Дауыссыз К дыбысы мен әрпі туралы білімдерін пысықтау. Мәтінді мазмұнын ашу. Сабақтың міндеттері: 1.К дыбысы бар сөздерді сөздерді оқи, жаза білуге үйрету. Мәтінді оқи отырып, талдау жасау. Оқушылардың сөздік қорын дамыту, байланыстырып сөйлеу тілін дамыту. Ой — өрістерін кеңейту. 3. Кітап оқуға, кітапты құрметтеуге шақыру. Білімділікке, тәрбиелілікке баулу. Сабақтың әдісі: түсіндіру, ой қозғау, ой қорыту, талдау, жинақтау. Сабақтың көрнекілігі:суреттер, плакат,мәтін жазылған парақ. Сабақтың түрі: Аралас сабақ Сабақтың барысы: І. Ұйымдастыру Сабақтың ұраны: «Оқу – білімде, Білім — кітапта» ІІ. Өткен сабаққа шолу - Өткен сабақта қандай дыбыспен, әріппен таныс болдық? - К дыбысымен, әрпімен. Сөздік диктант Кеме, кесе, терек, шелек, мереке, береке, кебеже, текемет. - «Кеме» мәтінін тізбектеп оқимыз. Мәтінді талдау. ІІІ. Жаңа сабақ 1.Ой қозғау . Көбелек өлеңін оқу. Қызыл, сары, қоңыр, көк Алуан-алуан көбелек Торға түсіп қалмашы, Торғайға жем болмашы. К дыбысы бар сөздерді табу. 2. «Сөз ойла, тез ойла!» ойыны (Сөздер ойлай отырып, к дыбысының орнын анықтату) К – дауыссыз дыбыс. Сөздің барлық буынында кездеседі. 3. «Сауатты оқып дағдылан!» ► Бағандағы жаңа сөздерді оқып таныстыру, мағыналарын түсіндіру. Кесте кептер кеше еңбек кеспе керуен кешен кетпен ► Сөздерді оқушыларға оқыту 4.« Дәптермен жұмыс Дыбыстарды анықта!» (дыбыстық талдау жасау) ► кебек, керек, кесек, кеуек. 5. Мәтінмен жұмыс ► «Спорт алаңы» мәтінін оқып түсіндіру ► Оқушыларға тізбектей оқыту ► Мазмұнын сұрау Сергіту сәті Қанатымызды жаямыз, Көбелек боп ұшамыз. Жұпар иісі аңқыған, Гүлге келіп қонамыз. 6.«Сен білесің бе?» ► Дүние жүзіндегі ең кішкентай құс – колибри ► Мүлдем ұя салмайтын құс – көкек ► Дүние жүзіндегі ең үлкен балық – көк кит ► Хат таситын құс – кептер 7.Сызбасын сал. - Анау не? - Ол – кептер. - Ол қайда отыр? - Ол шатырда отыр. - Бұл не? - Бұл – текемет. - Ол қайда жатыр? - Ол еденде жатыр. 8. «Білгенге маржан» - Жыл мезгілдері нешеу? - Жыл мезгілдері төртеу. - Солардың ішінде к дыбысынан басталатын мезгіл бар ма? - Көктем, күз. - Олай болса, осы екі мезгіл туралы әңгіме өрбітейік 9. Бекіту сұрақтары:- К дыбысы қандай дыбыс? - Сөздің қай жерінде кездеседі? - Қандай мәтінмен таныстық? - Онда не туралы айтылған? - Бүгін тағы не білдік? ІУ. Қорытындылау. Мадақтау. 10.Мақалдың мағынасын ашу. «Кітап – білім бұлағы, Білім — өмір шырағы» (Кітапты құрметтеуге, күтіп ұстауға тәрбиелеу. Кітап оқуға, кітапханамен байланысуға шақыру)
