6-7 жаста балада оқуда сәтті болуы үшін ми механизмдері қалыптасып, жүйке жүйесі орнығады. Ата-аналар мектепке балаңыз тез үйренсін десеңіз, мына ережелерді ұстанғаныңыз абзал. 1 ереже. Баланы бірінші сыныпқа жіберерде басқа үйірмеге немесе секцияға жібермеңіз. Мектеп өмірінің басталуы бала үшін стресстік жағдай. Егер балада тынығу, серуендеу, асықпай сабақ орындау мүмкіндіктері болмаса, денсаулығы нашарлап, невроз пайда болуы мүмкін. Сондықтан да егер сіз балаңызды музыка немесе спортқа баулығыңыз келсе, оны екінші сыныптан бастауға болады. 2 ереже. Бала зейінін 10–15 минутқа шоғырландыра алады, сондықтан баламен үйде айналысқанда 10–15 минут сайын физминутка жасап отырған (10 рет орнында секіру, әуен ырғағымен билеу, т.б.) жөн. Үй жұмыстарын жазудан бастаған абзал. Жазу мен ауызша тапсырмаларды алмастырып отырған жөн. Жұмыс уақыты бір сағаттан аспау керек. 3 ереже. Көп көз жүктемесін қажет ететін компьютер, теледидар және басқа әрекеттер күніне бір сағаттан аспау керек, бұл барлық әлемдегі офтальмолог дәрігерлері мен невропатологтардың қорытындылары. 4 ереже. Балаға осы кезеңде ата-ананың қолдауы өте қажет. Ол сыныптастарымен, мұғалімдермен өз қатынасын қалыптастырып, сыныптастарының бірі онымен дос болғысы келетінін, ал кейбірі қарым-қатынасқа бармайтынын байқайды. Осы кезде баланың өзі туралы ойы толығып, ата-ананың мақтауы арқасында салмақты және өзіне сенімді бала өседі. Дәптердегі дақ пен сыныптастарының сынына шыдамдылық танытыңыз. Мұның бәрі баланың оқуға құлқынының жоғалуына қарағанда түкке тұрғысыз нәрсе. Қысқа да нұсқа тұжырымдар: — Баланы жетістіктері үшін ғана емес, оның болғаны үшін жақсы көретініңізді көрсетіңіз. — Балаңызды басқалардан кем деп санамаңыз. — Баланың әрбір сұрағына шыдамдылықпен жауап беріңіз. — Әр күн балаңызбен болуға уақыт табыңыз. — Балаңызды балалармен ғана емес, ересекетермен өзін қалай ұстау және қарым-қатынас жасау керектігін үйретіңіз. — Басқалардың көзінше балаңызбен мақтаныңыз. — Әрқашан балаға, оған пайдалы болмаса да, шындықты айтыңыз. — Баланы тұлғасын емес, әрекетіне қарай бағалаңыз. — Сәттілікке күшпен жетпеңіз. Бұл адамгершілікке тәрбиелеудің ең жаман нұсқасы. Бұл бала тұлғасын бұзады. — Баланың қате жасауға құқығы бар. — Баланың бақытты сәттерді еске алу банкасын ойлаңыз. — Балаға ересектер қалай қарым-қатынасжасаса, ол өзіне солай қарым-қатынас жасайды. — Бір сәтте баланың орнына өзіңізді қойыңыз, сонда оның әрекетін түсінеңіз.
