урок казахского языка для 5 класса с русским языком обучения
Сабақ тақырыбы: Жайлауда Сабақтың мақсаты: I. Білімділік: оқушылардың ауыл туралы білімін толықтыру. «Дейін» шылауын пайдалана отырып сөйлем құру. «Сөйлесу» деңгейіне көтерілу. Ауыл өмірін, малдарды, оның төлдерін дұрыс айта білу. Сөзжұмбақтар құрып, оны шешу, суретке қарап әңгіме құру. Өлең, тақпақты мәнерлеп оқып, түсініп айта білу. II. Дамытушылық: қисынды ойлап, сөйлеу, сауатты жаза білу, есте сақтау, мәнерлеп оқу дағдыларын дамыту. Сөздік қорын байыту. III. Тәрбиелік: өз туған еліне, туған жеріне, сол арқылы Отанға деген сүйіспеншілік сезімін ояту. Табиғатты, жануарларды сүюге, оларды күтуге, қорғауға тәрбиелеу. Сабақтың түрі: аралас сабақ. Сабақтың әдіс-тәсілдері: ән айту, мәнерлеп өлең, тақпақ оқу, сурет салу, сөзжұмбақ жасау, ойын арқылы оны шешу. Сабақтың көрнекіліктері: Ауыл көрінісі, үй жануарларының, төлдерінің суреті. Сабақтың барысы: Ұйымдастыру кезеңі. Оқушылармен сәлемдесу. Әнұранды орындау. Кезекшімен сұхбат жүргізу. Бүгінгі сабақтың мақсатын айту. 1. Ауыл туралы білетін білімін толықтыру. 2. Ауылдағы бар тіршілікті өзіміз білетін сөздермен әңгімелеп айту. 3. «Дейін» шылауын дұрыс қолдана білу. 4. Ауыл, жайлау. Олардың айырмашылығын айта алу. Үй тапсырмасын сұрау: Бірігіп «Ауылым» әнін айту. Кіндігімнің жас қаны Тамған жерім – Ауылым. Шабытымның асқары, Самғау жерім – Ауылым. Жастығымның куәсі- Шұрқыраған ауылым. Жусаны мен жуасы Бұрқыраған ауылым. Негізгі бөлім: Сөздік жұмысы. - мұғалімнің жаңа сөздерді түсіндіруі; - оқушылар жаңа сөздерді кезекпен оқиды; - жаңа сөздерден сөйлемдер құрау. Мәтінмен жұмыс: Жайлау.
Жайлау – малшылардың жазғы қонысы. Жайлауды шөбі шүйгін, суы мол жерден таңдайды. Малшылар маусым, шілде, тамыз айларын жайлауда өткізеді. Қыстан арықтап шыққан мал жайлауда тойынып, семіреді. Малшылар бие байлап, қымыз ішеді. Айран ұйытып, құрт-ірімшік дайындайды. Біздің ең тамаша, табиғаты сұлу жайлауларымыз: Қарқара, Шалкөде, Асы, Шұбартау, т.б.
Мәтін бойынша тапсырмаларды орындау: 1. Ауызша, сұрақ-жауап: А)Жайлау деген не? Ә)Оны қандай жерден таңдайды? Б)Малшылар жайлауда не істейді? В)Қазақстанда қандай жануарлар бар? Д)Жайлауда адамдар қандай үйде тұрады? 2. Дәптермен жұмыс:
Жайлау: малшылардың қонысы, жазғы қоныс, шөбі шүйгін, суы мол
3. Мына берілген сөздерге дыбыстық талдау жаса: жайлау, ауыл.
4. Сергіту сәті.
5. Өлеңді мәнерлеп оқы: Ауыл
Қызық екен ауылда, Тойдым әбден қауынға. Жедім құртты, майды да, Көрдім құлын, тайды да.
6. Жаңа мәтіннен алған білімін бекіту, сабақты қорытындылау. Венн диаграмма әдісі: Жайлау Ауыл
