Сабақтың тақырыбы: Бердібек Соқпақбаев Мақсаты: 1. Білімділік: тірек- сызбалар арқылы оқушыларға бағыт беру, деңгейлік тапсырмалар беру арқылы тұйық етістік туралы білімдерін бағалау. 2. Дамытушылық: оқушыларға жаттығулар орындату арқылы ауызекі сөйлеу тілін дамыту, танымдылық белсенділігін арттыру. 3. Тәрбиелік: адамгершілікке, әдептілікке тәрбиелеу. Әдісі: сұрақ-жауап, салыстыру, жинақтау. Көрнекілігі: интерактивті тақта, презентация, жазушының суреттері. Сабақтың барысы: І. Ұйымдастыру кезеңі. -Сәлеметсіздер ме, балалар. Бүгін сабаққа қандай көңіл-күйлеріңмен келіп отырсыңдар? /оқушылар суреттер арқылы көрсетеді/ -Көңіл-күйлеріңді көтеру үшін сабақты әнмен бастайық. /музыканы қосып, билеу-сергіту сәті/. -Бәрімізге сәттілік тілейік. ІІ. Оқушыларды топқа бөлу/түрлі түсті суреттер арқылы/ ІІІ. Үй жұмысын тексеру /куб арқылы оқушылар сандарды таңдайды/ - Тұйық етістік деген не? - Тұйық етістік нені білдіреді? -Тұйық етістік қалай жасалады? - Етістіктің түбірінің соңғы дыбысы й болса, қандай жұрнақ қосылады? - Етістіктің түбірінің соңғы дыбысы п,к,қ болса, олар қалай өзгереді? ІV. Жаңа сабақ. Б.Соқпақбаев туралы презентация. Бердібек Соқпақбаев – аса көрнекті балалар жазушысы. Ол Алматы облысында туған. 1941-1945 жылдарындағы Ұлы Отан соғысына қатысқан. Балаларға арналған көптеген әңгімелер, повестер, өлеңдер жазған. «Он алты жасар чемпион», «Менің атым- Қожа», «Балалық шаққа саяхат», «Қайдасың, Гауһар?», «Өлгендер қайта келмейді», т.б. тамаша кітаптарын балалар қызығып оқиды. Оның шығармалары адамдар арасындағы достық қарым-қатынасқа шақырады, жақсылық жасауға үйретеді. Жазушының сценарийі бойынша «Менің атым-Қожа» фильмі түсірілген. Б.Соқпақбаев шығармалары көптеген шет тілдеріне аударылған. 1) презентация арқылы тапсырмалар /оқушылар түрлі пішіндерді таңдайды/ -Кластер арқылы оқушылар тақырыпты түсіндіреді. -Басқа топтарға сурақ қояды. -Орыс тіліне аударып береді. 2) Жаңа сөздер /тақтадағы сөздерді 1 минутқа көрсетіп, жаздыру/ Абыр-сабыр, жалын, лапылдау, қуанышын қоярға жер таппай, қалбалақтап, бабымен, шаңырақ иесі, айтқандарың келсін, аяғының ұшымен, жорғалайды, ұшып тұрам, жұмсау, құс 3) Төмендегі ұйқас түрлерін қатыстыра отырып, өлең құрастыру. ......................жазған. .....................барған. ....................айтқан. ...................қалған. 4) Бес жолды өлең стратегиясы. 1. Зат есім. 2. Екі сын есім. 3. Үш етістік. 4. Төрт сөзден тұратын сөйлем. 5. Бірінші жолдағы зат есімге синоним. /жазушы/ 5) Етістіктерді септеу. / «Септік эстафетасы» ойын арқылы/ Жазу, шығару, көру, іздеу. Бекіту. Оқушылар бір-біріне сұрақ қою арқылы сабақты қорытады. Рефлексия. «+», «-», «қызықты» кестені толтыру. Бағалау. Әр топтың басшысы оқушыларды бағалайды. Үйге тапсырма. 184 беттегі өлеңді мәнерлеп оқу. |