Сабақтың тақырыбы: Бұқар толғаулары «Бірінші тілек тілеңіз», «Ай, Абылай, Абылай»
Сыныбы: 9 «А»
Пәні: әдебиет
Сабақтың тақырыбы: Бұқар толғаулары «Бірінші тілек тілеңіз», «Ай, Абылай, Абылай»
Сабақтың мақсаты: Жырау өмір сүрген мерзім тынысы, тарихи оқиғалар, шығармашылығына әсерін айту, шығармаларының басты тақырыбы мен маңызын саралайды. Жыраудың толғауларын өзіндік дүниетаным тұрғысында талдау, шығармашылық дағдысын дамытуға жағдай туғызылды.
Сабақтың міндеттері:
1. Бұқар жырау туралы ойларын тереңдету,оның шығармаларын сын тұрғысынан бағалай білуге үйренеді.
2. Оқушылардың жыраулық поэзия туралы дүниетанымын кеңейту, ой-өрісін дамыту, түйінді ой айта білуге, өзіндік пікір қалыптастыруға жетеленеді.
3. Бұқар поэзиясының философиялық тереңдігі, даналық, афористік мәні, поэтикалық тілі туралы ой түйе білуге , адамгершілік ізгі қасиеттерге тәрбиеленді.
Сабақтың түрі: аралас
Сабақтың әдісі: ой шақыру, ой қозғау, шығармашылық жұмыстар,талдау.
Көрнекіліктері: жырау портреті , нақыл сөздер, «Топтастыру», «INSERT», интерактивтік тақта, тапсырмалар, т.б.
Сабақтың барысы: 1.Ұйымдастыру кезеңі.
А) сәлемдесу Ә) түгендеу
- Оқушылар жыраулардың қанатты сөздерін қолдана отырып, бір-бірлеріне тілек айтайық.
Мен сіздерді нақыл сөздермен 2 топқа бөлдім, себебі топпен жұмыс жасағанда осы нақыл сөздерді басшылыққа ала отырып, жұмыс жасаймыз.
2. Үй тапсырмасын тексереміз.
Жиембет жырауға байланысты тапсырмалар мен сұрақтарға жауап беру.
Жаңа сабаққа дайындық
Сұрақтар:
Жырау дегеніміз кім ?
Жыраулар поэзиясы қай ғасырларды қамтиды ?
Жырау мен жыршының айырмашылығы неде ?
Жыраулар поэзиясының негізгі тақырыптары қандай болды ?
Біз қандай жырауларды өттік ?
-Бүгін біз тағы да белгілі бір жыраумен танысамыз, ол үшін барлығымыз бейнетаспаға назар аударайық.
- Әдебиеттен оқу бір бөлек демекші, бүгінгі сабағымызда Бұқар Қалқаманұлының өмірімен шығармашылығымен танысамыз.
Бүгінгі сабағымыздың ұраны: «Жақсының аты өлмейді, ғалымның хаты өлмейді» деп айтқан Бұқар Қалқаманұлы артынан өшпес мұра қалдырған жырау.
Бұқар Қалқаманұлы кім деген сұрақтың жауабын өздерін жауап табасыңдар, ол үшін 2 топқа тапсырма кітаппен жұмыс. 1-топқа кітаптағы 194-197беттегі ,2 топқа 198-201 бетке дейінгі мәліметтерді пайдаланып, тірек сызба құрап, жазған сызбаны қорғау, уақыт 5 минут беріледі. Айтылмаған мәліметтерді айтып, толықтырып отырамын.
-Келесі 2 топқа бірдей тапсырма . 1топқа «Бірінші тілек тілеңіз» , 2 топқа «Ай, Абылай, Абылай » өлеңдерімен жұмыс.Өлеңдерді мәнерлеп оқу. Өлеңнің тақырыбы мен идеясын табу, өлеңнен ұнаған шумаққа өз пікірін білдіру, өлеңді құрылысына қарай талдау. Уақыт 7 минут беріледі.
Сергіту сәті.
Кестемен жұмыс
білемін білдім мен үшін жаңа ақпарат Мені таңқалдырады
Инсерт стратегиясы бойыннша не білетіндіктерін, олар үшін не жаңа екенін анықтайды. Толтырылған карта бойынша пікір алысады. Түсініксіз ұғымдарды бірлесе талдайды. Бір-бірінің білімін толықтырады.
Бекіту сұрағы:
1. Бұқар жырау толғауларының өзектілігі неде
2. Бұқар толғаулары XXI ғасырда біге несімен қымбат деп ойлайсыңдар
Үйге тапсырма.»Бірінші тілек тілеңіз» өлеңін жаттау.
«Бұқар-ел бірлігі туралы жырлаған жырау» тақырыбына шығарма жазу.
Бағалау |
| Категория: Казахский язык и литература | Добавил: Мара (14.02.2016)
| Автор: Сұлташева Ақмарал Қанатжанқызы E
|
| Просмотров: 1937
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] |
